Язучының әсәрләренең теле, стиле шактый үзенчәлекле булуы белән аерылып тора. Р.Фәхреддин әсәрләрендә тел чаралары арасында әдәбиятта төп тел-сурәт чараларыннан берсе булган фразеологизмнар да чагылыш таба. Фразеологик әйтелмәләр телне баеталар, сөйләмгә сурәтлелек кертәләр. Шунлыктан аларны көндәлек тормышта гына түгел, матур әдәбиятта да кулланалар. Фразеология – әдәби әсәрдә төп тел-сурәт чараларыннан берсе. Аннан оста файдалану – язучының отышлы ягы.