Ресурс авторы: Йолдыз Гамир кызы Якупова, Лениногорск шәһәре 6 нчы урта мәктәбенең татар теле һәм әдәбияты укытучысы


Укытучы. Укучылар, драматург Х.Вахит иҗатын өйрәнүне дәвам итәбез. Бүгенге дәресебезне мәхәббәт турындагы әңгәмәдән башлыйк әле. 

"Нәрсә ул мәхәббәт?" Бу сорауга бүгенге көндә дә язучыларыбыз, шагыйрьләребез еш мөрәҗәгать итә. 

Әлеге сорауга карата төрле бәхәсле җаваплар да ишетергә туры килә. Сез бу сорауга ничек җавап бирер идегез? 

Укучы. Мәхәббәт төшенчәсе киң мәгънәдә кулланылырга мөмкин. Икенче төрле ярату дибез.Туган илгә мәхәббәт, ата-анага карата мәхәббәт, сөйгән ярга карата мәхәббәт һ.б. 

Укытучы. "Татар теленең аңлатмалы сүзлеге"ндә "мәхәббәт" сүзенә түбәндәгечә билгеләмә бирелгән.