"Аваз үзгәрешләрен кабатлау", 10 сыйныф, татар төркеме

Җәмит Рәхимов иҗатында туган як мотивы

"Беркем дә, бернәрсә дә онытылмый" дигән темага үткәрелгән дәрес эшкәртмәсе. ?кл., рус төркеме (Р.З.Хәйдәрова, Р.Л.Малафеева)

мөстәкыйль эшләр

Гадел Кутуйның "Сагыну" нәсерен өйрәнү
Тема: Гадел Кутуйның "Сагыну" нәсерен өйрәнү.

Максат:

1.Укучыларга «Сагыну» нәсеренең эчтәлеген төшендерү, әдип иҗатының үзенчәлеген ,сәнгатъчә сурәтләү осталыгын күреп танырга өйрәтү; яңа төшенчәләр белән таныштыру.

2.Укучыларның сәнгатьле уку һәм сөйләм күнекмәләрен үстерү.

3. Туган якка мәхәббәт, горурлык хисе тәрбияләү.
Җиһазлау:компьютер,мультимедия, презентация китап күргәзмәсе, мәкаль- әйтемнәр, магнитофон, газета.

Дәрес барышы.
1. Оештыру эше. Максат кую.
- Укучылар, алдагы дәрестә без сезнең белән язучы Гадел Кутуйның тормыш юлы һәм иҗат эшчәнлеге белән таныштык. Ә бүгенге дәрестә Г. Кутуйның Бөек Ватан сугышы елларында тудырган әсәрләренең йөзек кашы- " Сагыну" нәсере белән танышабыз, әдип иҗатының үзенчәлеген, сәнгатьчә сурәтләү осталыгын күреп танырга өйрәнәбез.
2. Укучыларның алдагы дәрестә үзләштергән белемнәрен
актуальләштерү һәм шуңа бәйләп яңа материалны өйрәнү.
1 .Г.Кутуй кайчан һәм кайда туган?
2.Әдәбиятка мәхәббәт кем тәрбияләгән?
3.Г.Кутуй кайларда һәм нинди уку йортларында белем алган?
4.Әдип Бөек Ватан сугышы вакытында ниләр эшләгән?
5. Проза өлкәсендәге эшчәнлеге турында ниләр беләсез? (Болар барысы да алдагы дәрестә җентекләп узыла.) Укучыларның җаваплары.